Türkiyənin tanınmış teleaparıcısı Məhmət Əli Birand vəfat edib. Modern.az-ın türk mətbuatına istinadən verdiyi məlumata görə, Amerika xəstəxanasında dünən müalicə altına alınan Məhmət Əli Birand bu gün həyatını itirib.
Qeyd edək ki, 1941-ci ildə anadan olan teleaparıcı dünən xəstəxanaya qaldırılaraq öd kisəsindən əməliyyat olunmuşdu. Zaman-zaman ermənipərəst çıxışları ilə tənqidlərə tuş gələn aparıcı uzun müddətdir ki, "Kanal D" Xəbər qrupunun rəhbəri vəzifəsində çalışırdı.
***
Məhmət Əli Birandın ölüm xəbərindən sonra oğlu Umur Birand açıqlama verib. Türk mətbuatının yazdığına görə, Umur Birand Twitter hesabında atasının ölmədiyini hazırda reanimasiyada olduğunu bildirib.
Modern.az
