Binə Ticarət Mərkəzindəki etiraz aksiyasında saxlanılan etirazçıların məhkəməsi bu gün keçirilir.
Modern.az-ın Səbail rayon Məhkəməsində olan əməkdaşının verdiyi məlumata görə, Binə Ticarət Mərkəzindəki etiraz aksiyasında saxlanılan etirazçıların məhkəməsi hələ başlamayıb.
Məhkəmə Bakı şəhərinin 5 fərqli rayonunda keçiriləcək. Əməkdaşımızın verdiyi məlumata görə, məhkəmənin qarşısındakı yolda hərəkət dayandırılıb. Səbail rayon Məhkəməsinin qarşısına polis əməkdaşları cəlb olub. Saxlanılan şəxslərin valideynləri, qohumları və yaxınları , o cümlədən ticarət mərkəzində işləyən şəxslər də məhkəmə qarşısına toplaşıblar.
***
Binə Ticarət Mərkəzindəki etiraz aksiyasında saxlanılan etirazçıların məhkəməsi artıq başlayıb. Modern.az-ın Səbail rayon Məhkəməsində olan əməkdaşınıın verdiyi məlumata görə, məhkəmə başlayıb, lakin məhkəmə qapalı keçirildiyindən, heç kim məhkəməyə buraxılmır, ictimaiyyətə heç bir məlumat verilmir. Məhkəmənin qarşısında etirazçıların valideynləri, qohum-əqrabaları dayanıb, məhkəmənin nə vaxt bitməyini gözləyirlər. Hazırda Səbail məhkəməsində 3 nəfər mühakimə olunur. Məhkəmə qarşısında sakitlikdir, heç bir hay-küy, etiraz yoxdur, məhkəmə binasını polislər əhatə edib.
Elçin Ağayev
