Yanvarın 21-də Səbail rayon Məhkəməsində Binə Ticarət Mərkəzində keçirilmiş etiraz aksiyasına görə saxlanan 10 nəfər 
haqqında 2 aylıq həbs qəti-imkan tədbiri seçilib. Bu haqda Modern.az-a Səbail rayon Məhkəməsindən məlumat verilib.
Bunlar Malik Məhərrəmov, Nicat Paşayev, Əbülfəz Əliyev, Samir Zeynalzadə, Səid Ədilov, Məhəmməd Mürsəliyev, Elnur Əliyev, Samid Hüseynov, Qüdrət Kişiyev və Vaqif İbrahimovdur.
Xatırladaq ki, 19 yanvar tarixindəki a ksiyadan dərhal sonra saxlanılan xeyli etirazçı Qaradağ rayon Polis Bölməsinə aparılsalar da, tutulanlardan yalnız 10 nəfər Yasamal rayon Polis bölməsinə gətirilib.
Bu gün isə Səbail rayon Məhkəməsində 10 nəfər haqqında 2 aylıq həbs qəti-imkan tədbiri seçilib. Aksiya iştirakçılarına hökm oxunduqdan sonra təşkilatçılar hesab olunan həmin şəxslər yenidən Yasamal rayon Polis bölməsinə aparılıblar.
Saxlananlar Cinayət Məcəlləsinin 221.3 (xuliqanlıq) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham olunublar.
Gültəkin Ələsgər
