Nəqliyyatı İntellektual İdarəetmə Mərkəzi (NİİM) “141 qaynar xətti”nə 2012-ci ildə daxil olan zənglər üzrə statistik göstəriciləri təqdim edib. Modern.az-ın məlumatına görə, mərkəzin “141 qaynar xidməti” 2012-ci ilin aprel ayında işə salınıb və fəaliyyətinin 9 ayı ərzində 14572 zəng daxil olub. Aidiyyatı zənglərin 46%-i şikayətlər, 53% -i məlumat xarakterli sorğular, 1% isə təkliflər təşkil edib.
“NİİM daxil olan zənglər əsasında da ciddi işlər görür. Təklif xarakterli zənglər NİİM tərəfindən araşdırılır və gələcəkdə onların həyata keçirilməsi mümkün olub-olmamasına baxılır. Bundan başqa irad xarakterli sorğular nəzərə alınaraq, müzakirə olunur və onlar üzərində işlərə başlanılır. Mərkəzin fəaliyyətinə aid olmayan zənglər, sorğular isə müvafiq aidiyyatı orqanlara yönləndirilir”-deyə mərkəzdən bildirilib.
