Ukrayna Prezidenti Volodimir Zelenski Böyük Britaniya parlamentində videoformatda çıxış edib.
Modern.az-ın məlumatına görə, Zelenski çıxışında bildirib ki, Ukraynaya hərbi müdaxilə nəticəsində Rusiya ordusu 11 mindən çox hərbçisini itirib:
“Dinc sakinlərin ərzaq ehtiyaclarına çıxışı məhdudlaşdırılır. Nəticədə insanlar arasında təşviş yaranır. 13 gün boyunca susuz və ac qalan insanları düşünün. Ukraynada 50-dən çox uşaq həyatını itirib. Onlar gəlib uşaqlarımızı bizdən aldılar”.
Zelenski qeyd edib ki, Ukrayna dünyanın ən böyük ordusuna qarşı mübarizə aparır:
“Biz raketlərlə və helikopterlərlə döyüşürük. 13-cü gün, 14-cü gün və 15-ci gün gəlincə bu davam edəcəkmi? Biz Ukrayna xalqı olaraq mübarizəmizi sonuna qədər davam etdirəyəcəyik”.
Daha sonra Zelenski Böyük Britaniyadan kömək istəyib: “Britaniyanın Baş naziri Boris Consona təşəkkür edirəm. Sizdən xahiş edirəm ki, təzyiqinizi artırın. Rusiyanı terrorçu ölkə kimi tanıyın”.
***
21:20
Ukrayna Prezidenti Volodimir Zelenskinin Böyük Britaniyanın İcmalar Palatasında deputatlar qarşısında videobağlantı formatında çıxışı başlayır.
Modern.az xəbər verir ki, bu barədə BBC məlumat yayıb.
Britaniya deputatları Zelenskini ayaq üstə alqışlarla qarşılayıblar.
