Ştrasserin və onun arxasında duran qüvvələrin bu cür siyasəti əvvəlcədən iflasa məhkum idi. Bunun səbəbi nə idi? Birinci, Ştrasser hər şeydən öncə Azərbaycanı AŞPA-nın bütün üzv ölkələrindən ayıraraq hədəfə götürməklə çox ciddi səhvə yol vermişdi. İkinci, o hazırladığı siyahıya terrorçuları, separatçıları və konkret cinayət törətmiş insanları daxil etməklə, bir sözlə, Azərbaycanda “siyasi məhbus” ovuna çıxmaqla tərəfsiz və obyektiv məruzəçi statusunu heçə endirmişdi. Üçüncü, Azərbaycan öz haqlı mövqeyini axıra qədər qorumağı bacardı və bunun nəticəsində AŞPA-nın obyektiv və praqmatik düşünən böyük bir hissəsinin dəstəyini qazana bildi. Bu həm də AŞPA ilə Azərbaycanın daha uğurlu əməkdaşlığı üçün yeni mərhələnin əsasını qoydu. Ümid edirəm ki, AŞPA bir təşkilat olaraq bu olaydan ciddi nəticə çıxaracaq və gələcəkdə bu kimi həssas mövzular üzrə məruzəçilərin təyinatı zamanı daha diqqətli olacaq”.
Modern.az
