Gənclərin bu günə təyin etdiyi aksiya təxirə salınıb. Modern.az-ın məlumatına görə, Fəvvarələr Meydanında keçiriləcək aksiyanın vaxtı dəyişdirilərək sabaha təyin olunub.
Dünəndən etibarən aksiya ilə bağlı Facebook sosial şəbəkəsində elan verilib. Aksiyanın siyasi xarakter daşımadığını və heç bir təşkilat tərəfindən təşkil olunmadığını qeyd edilib. Aksiyanın şüarı “Silahları üstümüzdən çəkin!”dir.
Qeyd edək ki, aksiya saat 15:00-da Fəvvarələr Meydanında keçiriləcək. Təşkilatçılar bildirib ki, Binə Ticarət Mərkəzində və İsmayıllıda polisin rezin güllədən atəş açmasına, gözyaşardıcı qazlardan istifadə etməsinə etiraz edəcəklər.
SEVİNC
