Azərbaycan Mətbuat Şurası bu gün gənclərin Bakıda keçirdiyi aksiyada monitorinq aparıb. Modern.az-a monitorinqin ilkin nəticələri ilə bağlı Şuranın sədri Əflatun Amaşov məlumat verib. Onun sözlərinə görə, aksiya zamanı gödəkçədə olan jurnalistlərlə bağlı Mətbuat Şurasının monitorinq qrupu heç bir qanun pozuntusu aşkarlamayıb:
“Mətbuat Şurasının monitorinq qrupu bugünkü aksiya zamanı monitorinq keçirib. Monitorinq qrupu peşə borcunu yerinə yetirmək üçün üzərinə “PRESS” yazılmış gödəkçədə olan jurnalistlərin informasiya almasını müşahidə aparıb. Bu zaman gödəkçədə olan jurnalistlərlə bağlı Mətbuat Şurası heç bir qanun pozuntusuna aşkarlamayıb. Və gödəkəçədə olan jurnalistlərin heç biri Mətbuat Şurasının Monitorinq qrupuna müraciət etməyib”.
