Qəbələdə Vətən müharibəsi qazisinin evi yanaraq kül olub.
Modern.az xəbər verir ki, hadisə şəhərin Əhmədağa Bağırov küçəsində qeydə alınıb.
Məlumata görə, martın 23-də Əliyev Xalis Vahid oğluna məxsus evdə gecə saatlarında yanğın baş verib. Yanğın nəticəsində üçotaqlı ev əşyaları ilə birgə külə dönüb.
Beş nəfərdən ibarət ailə müvəqqəti olaraq qohumlarının evində məskunlaşıb. Ailə evlərinin bərpası üçün aidiyyəti qurumlardan kömək istəyib.
