Rusiyanın işğalı altında olan Çernobıl Atom Elektrik Stansiyasının yaxınlığında 10,111 hektar (24,985 akr) ərazini əhatə edən 31 yanğın baş verib.
Modern.az xarici mətbuata istinadən xəbər verir ki, bu barədə Ukrayna hakimiyyət orqanları tərəfindən məlumat yayılıb.
Ukraynada İnsan Hüquqları üzrə Ombudsman Lyudmyla Denisova yanğınların havada radioaktiv hissəciklərin çirklənmə səviyyəsinin artmasına səbəb olduğunu deyib.
O bildirib ki, ərazidə Rusiya hərbçiləri olduğundan yanğını söndürmək mümkün deyil.
