Avropa Yenidənqurma və İnkişaf Bankı (AYİB) Moskva və Minskdəki ofislərini bağlayacaq.
Modern.az xəbər verir ki, bu barədə bankın mətbuat xidməti məlumat yayıb.
Səbəb kimi Rusiyanın Ukraynaya hücumu və Belarusun Rusiyaya kömək etməsi göstərilir.
"Biz Ukraynaya sarsılmaz dəstəyimizi ifadə etməyə davam edirik və artıq Ukrayna və müharibədən zərər çəkən digər ölkələr üçün ilkin 2 milyard avroluq yardım paketi barədə razılığa gəldik", - deyə məlumatda bildirilir.
