Təhsil tələbə kreditləri üçün müraciət edənlər ən çox Bakı iqtisadi rayonunun tələbələridir.
Modern.az xəbər verir ki, bununla bağlı Təhsil Tələbə Krediti Fondunun 2021-2022-ci ilin payız semestri üzrə hesabatını təqdim edərkən Fondun icraçı direktoru Araz Paşayev deyib.
O bildirib ki, ilk üçlüyə əsasən, Bakı iqtisadi rayonu üzrə 663, Naxçıvan iqtisadi rayonu üzrə 89, Abşeron-Xızı iqtisadi rayonu üzrə isə 31 tələbə təhsil krediti alıb:
"Sonrakı sıralamaya görə Mil-Muğan iqtisadi rayonu üzrə 195, Lənkəran-Astara iqtisadi rayonu üzrə 362, Quba-Xaçmaz iqtisadi rayonu üzrə 206, Mərkəzi Aran iqtisadi rayonu üzrə 177, Dağlıq Şirvan iqtisadi rayonu üzrə 144, Gəncə-Daşkəsən iqtisadi rayonu üzrə 180, Şəki-Zaqatala iqtisadi rayonu üzrə 165, Qarabağ iqtisadi rayonu üzrə 231, Şərqi Zəngəzur iqtisadi rayonu üzrə 36, Qazax-Tovuz iqtisadi rayonu üzrə 193, Şirvan-Salyan iqtisadi rayonu üzrə 127 müraciət olub".
