Böyük Britaniya Ukraynaya 130 milyon dollar dəyərində müasir silah və hərbi texnika göndərəcək.
Modern.az xəbər verir ki, bu barədə Britaniyanın Baş naziri Boris Conson Almaniya kansleri Olaf Şoltsla birgə mətbuat konfransında məlumat verib.
Yeni paketə müasir silahlar, eyni zamanda "Starstreak" zenit raketləri, 800 tank əleyhinə raket və döyüş sursatları daxildir. Bunlardan başqa, Ukrayna ordusuna zirehli gödəkçələr, dəbilqələr və gecəgörmə eynəkləri veriləcək.
