Bakı metrosunda ölüm qeydə alınıb.
Bu barədə Modern.az-a "Bakı Metropoliteni" QSC-nin Mətbuat xidmətinin rəhbəri Bəxtiyar Məmmədov məlumat verib.
Qurum rəsmisinin sözlərinə görə, hadisə bu gün səhər saat 06:30-da "Əhmədli" stansiyasında qeydə alınıb.
"Dərhal təcili tibbi yardım xidmətinə məlumat verilib və stansiyaya çağırılıb".
B. Məmmədov bildirib ki, ölən şəxs Bakı sakini 1955-ci il təvəllüdlü Zülfəli Kazımovdur. O, ürəktutmasından vəfat edib.
