“Rusiyada və digər ölkələrdə yaşayan azərbaycanlılar Azərbaycan gələndə artıq 1 ay deyil, 3 aylığa qeydiyyata düşə biləcəklər”. Modern.az-a açıqlamasında bu sözləri Ümumrusiya Azərbaycanlıları Konqresinin (ÜAK) Mərkəzi Şurasının və “Ocaq” Mədəniyyət Cəmiyyətinin İdarə Heyətinin üzvü Nəsib Nəbioğlu deyib. O bildirib ki, ÜAK-ın iclasında sədr Məmməd Əliyev qeyd edib ki, artıq Rusiyada və digər ölkələrdə yaşayan azərbaycanlılar Azərbaycana gələndə 1 ay deyil, 3 aylığa qeydiyyata düşə biləcəklər.
N.Nəbioğlunun sözlərinə görə, bununla bağlı məsələni qaldırıblar və tezliklə Azərbaycan parlamentində müzakirə ediləcək.
“Biz güman edirik ki, bu məsələ öz həllini tapacaq. Biz bununla bağlı Prezident Administrasiyasına da müraciət etmişik. Çünki, qanunda boşluq var. Ümid edirik ki, problemlər öz həllini tapacaq”.
Sevinc İltifatqızı
