“İrəvanda Paşinyana qarşı təşkil olunan aksiyalar, paralel olaraq Qarabağın dağlıq hissəsində "DQR" tör-töküntülərinin həm hərbi, həm də siyasi fəallaşması vəziyyətin gərginləşəcəyinə açıq mesajdır”.
Modern.az xəbər verir ki, bunu "Şərq-Qərb” Araşdırmalar Mərkəzinin rəhbəri Ərəstun Oruclu deyib.
Politoloq qeyd edib ki, Ermənistanda qiyam, inqilab, hərbi çevriliş, sui-qəsd və ya hər hansı oxşar bir hadisə baş verə bilər. Odur ki, Azərbaycan tərəfi qabaqlayıcı addımlar atmalıdır.
Siyasi ekspert Azərbaycan hakimiyyətinin 2 mühüm addımı atmalı olduğunu vacib sayıb:
“- Rusiyadan Azərbaycan ərazisindəki "sülhməramlılarını" müəyyən zaman ərzində (məsələn, 48 saat) çıxarmağı tələb etmək;
- Verilən vaxt başa çatan kimi antiterror əməliyyatına başlamaq və yaraqlıları tərksilah etmək”.
Ə.Oruclunun fikrincə, əks halda hər şey status-kvo (1988) vəziyyətinə qayıda bilər ki, bu da Azərbaycan üçün qəbuledilməzdir.
