“İctimai Palatanın indiyə qədər vahid namizədlə bağlı qərarı olmayıb. Sentyabr ayında sadəcə memorandum olub. Ümumi müddəa belə olub ki, İctimai Palata prezident seçkisinə ya öz namizədilə qatıla bilər ya da hər hansı bir şəxsin ayrıca namizədliyini verə bilər”.
Bunu Modern.az saytına İctimai Palatanın Koordinasiya Şurasının üzvü Vidadi Mirkamal deyib. Onun sözlərinə görə, İctimai Palata vahid namizədlə bağlı məsələni düşünmür.
“Vahid namizədlə bağlı İctimai Palata müzakirə aparmır. Seçki mühitinin yaxşılaşdırılması ilə bağlı İP bu istiqamətdə fəaliyyətini davam etdirir. Memorondumla bağlı tədbirlər planı sistemi hazırlanır. Bundan başqa, İctimai Palatanın “vahid seçki platforması” adlı sənədi var. Bunun üzərində iş gedir. Yəqin ki, bu yaxınlarda sənəd İctimai Palatada qəbul olunacaq”.
Aqşin Kərimov
