Böyük Britaniyanın Baş naziri Boris Conson və Ukrayna Prezidenti Volodimir Zelenski arasında telefon danışığı olub.
Modern.az xəbər verir ki, bu barədə Britaniya Baş nazirinin ofisi məlumat yayıb.
Conson Zelenskiyə bildirib ki, London Kiyevə silah, o cümlədən zirehli maşınlar verməyə davam edəcək. Telefon danışığı zamanı Conson, həmçinin qeyd edib ki, tədarüklər yaxın günlərdə həyata keçiriləcək.
Məlumata görə, liderlər Ukraynanın təhlükəsizlik probleminin uzunmüddətli həllinin zəruriliyini də müzakirə ediblər.
Zelenski görüşlə bağlı bildirib ki, o, Boris Consonla Mariupoldakı vəziyyəti və Ukrayna üçün təhlükəsizlik təminatını müzakirə edib.
Akif İsmayılov
