Hindistanın Tamil Nadu ştatında dini festivalda izdiham yaşanıb.
Modern.az xarici KİV-ə istinadən xəbər verir ki, hadisə nəticədə azı 2 nəfər ölüb, 8 nəfər yaralanıb.
Ştat rəsmilərinin sözlərinə görə, festival Madurai rayonundakı şəhərlərdən birində keçirilib. İlkin məlumata əsasən, izdihama festival iştirakçılarının eyni vaxtda dindarlar üçün əhəmiyyətli bir yerə hərəkət etməsi səbəb olub.
Qeyd olunub ki, çoxlu sayda insan yer darlığına görə boğulmadan şikayət edib. Onlardan bəziləri huşunu itirib. Zərərçəkənlərdən bir neçəsi xəstəxanaya yerləşdirilib.
