“Müstəqillik yaşı çox olan ölkələrin əksəriyyətinin hələ də peykləri yoxdur. Amma yeni müstəqillik qazanmış bir ölkə olaraq Azərbaycanın öz peykini orbitə buraxması çox böyük hadisədir”. Bu sözləri Milli Məclisin deputatı Fuad Muradov Azərbaycanın “Azerspace-1” adlanan ilk suni peyki orbitə buraxılmasına münasibət açıqlayarkən deyib.
2013-cü ilin prezident İlham Əliyev tərəfindən "İKT ili” elan edildiyini qeyd edən deputatın sözlərinə görə, ölkəmiz bu texnologiyaları inkişaf etdirəcək və yeniliklərə imza atacaq. “Fikirmcə, bu, mühüm haidsə vətəndaşların gündəlik həyatına təsir göstərəcək. İlk olaraq elektron xidmətlər, internet sürəti, keyfiyyətli televiziya və radio xidmətlərindən daha keyfiyyətli stifadə etməyə şərait yaradacaq. Bu tarixi gün münasibətilə hamınızı təbrik edirəm”-deyə millət vəkili qeyd edib.
Fevralın 8-də Cənubi Amerikada yerləşən Fransa Qvianası Kosmik Mərkəzinin Kuru kosmodromundan Azərbaycanın “Azerspace-1” adlanan ilk suni peyki orbitə buraxılıb.
Modern.az
