“Rəsmi Bakının adam oğurluğunda, işgəncədə MKİ ilə əməkdaşlığı inandırıcı deyil”. Bunu Modern.az-a İşgəncələrə Qarşı Azərbaycan Komitəsinin sədri Elçin Behbudov deyir.
Qeyd edək ki, ABŞ-dakı “Open Society Justive Initiative” hüquq müdafiə təşkilatının 213 səhifəlik hesabatında qeyd olunur ki, ən azı 54 ölkə 2001-ci ilin 11 sentyabr hadisələrindən sonra Mərkəzi Kəşfiyyat İdarəsinə (MKİ) adam oğurluğu və işgəncələrdə yardım göstəriblər”. Hüquq müdafiə təşkilatının 213 səhifəlik hesabatında bu ölkələr arasında Azərbaycan da yer alıb.
İşgəncələrə Qarşı Azərbaycan Komitəsinin sədri Elçin Behbudov deyir ki, Azərbaycan dövləti antiterror əməliyyatlarında bağlı Amerika ilə əməkdaşlıq edir. “2001-ci ilin 11 sentyabr hadisələrindən sonra rəsmi Bakı antiterror koalisiyasına qoşulub. Ola bilər ki, Milli Təhlükəsizlik Nazirliyi MKİ ilə əməkdaşlıq edir. Ancaq adam oğurluğunda, işgəncədə onun iştirakı inandırıcı deyil. İşgəncələrə Qarşı Azərbaycan Komitəsində iddianı təsdiqləyən məlumat yoxdur. Yaxşı olar ki, ABŞ-dakı “Open Society Justive Initiative” hüquqmüdafiə təşkilatı Quantanamo həbsxanasında baş verənlərlə maraqlansın”.
Gültəkin Ələsgər
