“Azərbaycan Milli Elmlər Akademiyasının prezidenti, fizika-riyaziyyat elmləri doktoru, akademik Mahmud Kərimovun dünyasını dəyişməsi Azərbaycan üçün çox böyük itkidir”.
Modern.az saytının məlumatına görə, bu sözləri Milli Məclisin deputatı Fuad Muradov bu gün 65 yaşında dünyasını dəyişmiş Mahmud Kərimov haqqında danışarkən bildirib.
Millət vəkili mərhumu dəyərli ziyalı kimi xarakterixə edərək deyib:
”Mənim elmi rəhbərim, gözəl insan, Azərbaycan elminə dəyərli töhfələr vermiş akademik Mahmud Kərimovun vəfatı məni çox sarsıtdı. Onun ailə üzvlərinə dərin hüznlə baş sağlığı verirəm. Allah rəhmət eləsin!”.
Deputatın sözlərinə görə, Mahmud Kərimov sadə davranışları, prinsipial mövqeyi ilə həmişə şeçilirdi:
"O, sadə, nəcib və xeyirxah bir insan kimi xatirələrimizdə yaşacaq".
Modern.az
