Modern.az

Bakıda hərbi helikopter dənizə düşüb

Bakıda hərbi helikopter dənizə düşüb

11 Fevral 2013, 11:29

Bakıda hərbi helikopter dənizə düşüb. Bu barədə Trend-ə Fövqəladə Hallar Nazirliyindən məlumat verilib. Məlumata görə, helikopter Şıxov tərəfdə dənizə düşüb. Hazırda FHN-nin xilasediciləri hadisə yerindədir.

Hadisə nəticəsində ölən və xəsarət alanlar barədə məlumat verilmir.

***

Qaradağ rayon Polis İdarəsindən  hərbi helikopterin qəzaya uğraması faktını təsdiqləyiblər.

Qəzaya uğramış helikopterin mülki olması barədə məlumat Azərbaycanda fəaliyyət göstərən mülki helikopterlərin istismarçılarından (ARDNŞ, SW Helicopter Services) heç biri tərəfindən təsdiqlənməyib. BP şirkəti ümumiyyətlə personalın daşınması üçün helikopterlərdən istifadə etmir, onlar platformalara gəmilər vasitəsilə çatdırılırlar.

Bakı şəhəri Təcili və Təxirəslınmaz Tibbi Yardım Stansiyasından Trend-ə verilən məlumata görə, hadisə yerinə 4 təcili yardım maşını gedib.

Dövlət Sərhəd Xidmətinin mətbuat xidmətindən bildiriblər ki, qəzaya uğrayan hərbi vertolyotun bu quruma aidiyyatı yoxdur.

Trend-in hadisə yerində olan əməkdaşının məlumatına görə, hadisə yerində xilasetmə işlərinə bir hərbi və FHN-ə məxsus 2 helikopter, o cümlədən xilasedici qayıqlar cəlb olunub.

Modern.az
Telegram
Hadisələri anında izləyin!
Keçid et
Rusiyadan hücum - Bu dəfə Türkiyəni vurdular