Rusiya və Ukrayna nümayəndə heyətləri vəziyyətin nizamlanması üçün danışıqları davam etdirirlər.
Modern.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bugünkü brifinqdə bildirib.
"Rusiya-Ukrayna danışıqları Ukraynadakı vəziyyətin nizamlanması və onun neytral, bloksuz, qeyri-nüvə statusunun təmin edilməsi istiqamətində davam edir. Danışıqların gündəliyinə demilitarizasiya və denasionalizasiya, rus dilinin rəsmi statusunun bərpası, müasir ərazi reallıqlarının tanınması məsələləri daxildir. O cümlədən, Krımın Rusiyanın mülkiyyəti və DXR və LPR-nin müstəqilliyi də masadadır”, - deyə XİN rəsmisi vurğulayıb.
Onun sözlərinə görə, Kiyev rejimi danışıqlara sadiq olmalı, Rusiya Federasiyası ilə razılaşmalar üçün real variantları axtarmağa başlamalıdır.
