Fövqəladə Hallar Nazirliyi helikopter qəzası ilə bağlı daha bir məlumat açıqlayıb. Nazirlikdən verilən məlumata görə, Qaradağ rayonu ərazisində, sahildən təqribən 300 metr məsafədə Xəzər dənizinə düşmüş helikopterin və heyyət üzvlərinin axtarış xilasetmə əməliyyatına cəlb olunmuş Fövqəladə Hallar Nazirliyinin dalğıc xilasediciləri tərəfindən görülmüş tədbirlər nəticəsində helikopterin dənizə düşdüyü yer aşkar olunub, eyni zamanda 2-ci ekipaj üzvünün meyiti sudan çıxarılıb.
3-cü ekipaj üzvünün aşkar edilməsi istiqamətində axtarış xilasetmə işləri davam etdirilir. Əlavə məlumat veriləcək.Modern.az
