“Qanun” Nəşriyyatının direktoru Şahbaz Xuduoğlu Baş nazir Əli Əsədova müraciət edib.
Modern.az-ın məlumatına görə, müraciət kitab üzərində hələ də qanunsuz olaraq ƏDV-nin saxlanılması ilə bağlıdır.
Ş.Xuduoğlu bildirib ki, ölkəyə gətirilən hər növ kağız və kitablardan gömrükdə 18 faiz daha çox ödəməyə məcbur olurlar:
“Eləcə də kitab dükanlarında hər satlan kitabın qiymətindən 18 faiz ƏDV ödənilir. Qanuna görə, yanvar ayının 1-dən kitaba aid nə varsa, hər növ kağız və kitab satışı 18 faizdən azad olmalı idi. Göründüyü kimi qanuna əməl edilmir.
Baş nazirdən xahiş edirəm ki, bu məsələyə aydınlıq gətirilsin”.
