Aprel ayının bütün müavinət, təqaüd və ünvanlı dövlət sosial yardımları bu gün ödənilib.
Bu barədə Dövlət Sosial Müdafiə Fondundan (DSMF) Modern.az-a verilən məlumatda bildirilib.
Qeyd olunub ki, vətəndaşlar həmin sosial ödənişləri onlara verilmiş kartlar vasitəsilə müvafiq bankların bankomatlarından əldə edə bilərlər.
Xatırladaq ki, aprelin 8-də Bakı və Sumqayıt şəhərləri, Abşeron rayonu, aprelin 16-da ölkəmizin digər bölgələri üzrə pensiyalar və güzəştli şərtlərlə təyin edilmiş pensiyalar da ödənilib.
