Səbail rayonu ərazisində yerləşən obyektdə baş vermiş partlayış zamanı xəsarət alanlardan özəl tibb müəssisəsində hazırda cəmi 1 nəfər müalicə alır.
Bunu Modern.az-ın sorğusuna cavab olaraq Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və tədbirlər şöbəsinin müdiri Zamirə Ədilova bildirib.
Şöbə müdiri söyləyib ki, həmin şəxs Seneqal vətəndaşıdır: “Onun vəziyyəti orta stabil olaraq qiymətləndirilir. Hazırda xəstəxana şəraitində müalicə alan şəxsə rekonstruktiv dəri köçürmə əməliyyatı icra ediləcək.”
Qeyd edək ki, aprelin 3-də Səbail rayonu ərazisində yerləşən gecə klubunda baş vermiş partlayış zamanı 37 nəfər müxtəlif dərəcəli xəsarət alıb, 1 nəfər hadisə yerində vəfat edib. Daha sonra ağır vəziyyətdə olan 3 nəfər dünyasını dəyişib.
