İyunun 5-də Qazaxıstanda ölkə konstitusiyasına əlavə və dəyişikliklərlə bağlı referendum keçiriləcək.
Modern.az xəbər verir ki, bu barədə Qazaxıstan Prezidenti Kasım-Jomart Tokayev qərar imzalayıb.
Referendum ölkənin mövcud siyasi sisteminin modernləşdirilməsini nəzərdə tutur.
Tokayev bildirib ki, konstitusiyaya dəyişikliklər Qazaxıstan üçün həlledici əhəmiyyətə malikdir. "Dəyişikliklər konstitusiyanın maddələrinin üçdə birinə təsir edəcək", - deyə o qeyd edib.
Prezident, həmçinin deyib ki, Qazaxıstanda keçiriləcək konstitusiya referendumu hakimiyyətin demokratik prinsiplərə möhkəm sadiqliyini nümayiş etdirəcək.
Akif İsmayılov
