Ukrayna Prezidenti Volodimir Zelenski Almaniya kansleri Olaf Şoltsu mayın 9-da Kiyevə səfər etməyə çağırıb.
Modern.az xəbər verir ki, bu barədə Zelenski Britaniyanın “Chatham House” analitik mərkəzinin üzvləri ilə videokonfrans formatında baş tutan görüşündə danışıb.
"O, mayın 9-da bura, Kiyevə gəlmək üçün çox güclü siyasi addım ata bilər. Mən bu tarixin əhəmiyyətini izah etmirəm, düşünürəm ki, bunun səbəbini başa düşəcək qədər məlumatlısınız", - deyə Ukrayna lideri bildirib.
Xatırladaq ki, mayın 9-da Rusiyada Qələbə günü qeyd olunur. Bu il Moskvada Qələbə paradı keçiriləcək. Rusiya Prezidenti Vladimir Putin Qələbə paradında çıxış edəcək.
Akif İsmayılov
