"Onurğa problemləri, sümüklərdə əyilmələr daha çox 8-13 yaşlı uşaqlarda müşahidə edilir".
Modern.az xəbər verir ki, bununla bağlı Səhiyyə Nazirliyinin mütəxəssis-eksperti, ortoped-travmatoloq, cərrah Sənan Aşırov canlı yayımda vətəndaşların suallarını cavablandırarkən deyib.
O qeyd edib ki, xüsusilə, qız uşaqlarında 8, 9, 10, oğlan uşaqlarında isə 10, 11, 12 yaşlarında sümüklərdə böyümə getdiyi üçün əsasən bu yaşlarda əyilmələr (skolioz, kifoz) yarana bilir:
"Bəzi valideynlər onurğa əyriliyi olan uşaqların müalicəsi üçün korset istifadəsinə qaçır. Amma bu, mütləq həkimin tövsiyəsi ilə olmalıdır. Korset bütün hallarda müalicə metodu deyil”.
