Mayın 22-də Dövlət İmtahan Mərkəzi II ixtisas qrupu üzrə qəbul imtahanı keçirilir. Bu gün, həmçinin III ixtisas qrupu üzrə DT və TC altqruplarının hər ikisini seçən abituriyentlər üçün coğrafiya fənni üzrə də imtahan təşkil edilir.
DİM-dən Modern.az-a bildirilib ki, Bakı, Naxçıvan, Gəncə, Şəmkir, Ağstafa, Sumqayıt, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı və Xaçmazda təşkil olunur.
İmtahanda 22 min 878 abituriyentin iştirakı nəzərdə tutulur. Ən yaşlı abituriyent 1965-ci ildən, ən gənci isə 2006-cı ildəndir.
