Rusiya məhkəməsi "Nə? Harada? Nə vaxt?" intellektual oyununun azərbaycanlı iştirakçısı Rövşən Əsgərovu qiyabi olaraq həbs edib.
Modern.az xəbər verir ki, bu barədə Moskvanın Basman rayon məhkəməsi qərar çıxarıb.
Qərara əsasən, R.Əsgərov barəsində ekstradisiya olunacağı təqdirdə iki ay müddətinə həbs-qətimkan tədbiri seçilib.
Rusiya İstintaq Komitəsinin Baş İstintaq İdarəsi aprelin 27-də R.Əsgərov barəsində nasizmin reabilitasiyası maddəsi ilə cinayət işi açıb, mayın 11-də axtarış elan olunub.
İttihamda qeyd olunub ki, R.Əsgərov özünə məxsus "Facebook" səhifəsində Sovet İttifaqının marşalı Georgi Jukovun xatirəsini təhqir edən məlumatlar yayıb.
