Koronavirus epidemiyası ilə əlaqədar sərt tədbirlər həyata keçirən Yaponiya sərhədlərini yenidən açacaq.
Modern.az xəbər verir ki, bununla bağlı Yaponiya Baş naziri Fumio Kişida məlumat verib.
O qeyd edib ki, pandemiya səbəbindən turistlərə qoyulan qadağa iyunun 10-dan etibarən ləğv ediləcək.
Kişida, həmçinin bildirib ki, turizm istiqamətlərinə transferlər üçün əsas olan Naha və Yeni Chitose hava limanlarına beynəlxalq uçuşlar iyun ayında bərpa olunacaq. Virusun yayılmasının qarşısını almaq üçün ilk növbədə bələdçili turlarla məhdudlaşan turist girişlərinin təxminən 2 ildən sonra ölkə turizmini canlandıracağı gözlənilir.
O deyib ki, Yaponiya Turizm Nazirliyi yerləşdirmə obyektləri və digər turizm müəssisələri üçün təlimatlar hazırlayaraq maska tələbi kimi tədbirlərlə yoluxma riskini azaltmağı planlaşdırır.
