Gədəbəydə içərisində tələbələrin də olduğu mikroavtobus aşıb, bir neçə nəfər xəsarət alıb.
Modern.az "Report"a istinadən xəbər verir ki, Gədəbəy sakini, 1954-cü il təvəllüdlü Sərxan Həmzəyevin idarə etdiyi mikroavtobus Gədəbəy istiqamətində hərəkətdə olarkən rayonun Maarif kəndində idarəetmədən çıxaraq aşıb.
Qəza zamanı 2004-cü il təvəllüdlü Jalə İbrahimova, 2004-cu il təvəllüdlü Jalə Bayramlı, 1980-ci il təvəllüdlü Turab Rzayev, 2004-cü il təvəllüdlü Nurtac Allahverdiyeva, 2004-cü il təvəllüdlü Orxan Hüseynov və 1978-ci il Günay Hüseynova müxtəlif dərəcəli xəsarətlər alıblar.
Yaralılar xəstəxanaya çatdırılıblar, onların beşinin vəziyyəti qənaətbəxş, birinin vəziyyəti isə kafi qiymətləndirilir.
Qeyd edək ki, yaralılar arasında tələbələr də var. Faktla bağlı araşdırmalara başlanılıb.
