Türkiyənin Dənizli-Antalya magistralında yanacaqdaşıyan maşın ağır qəza törədib.
Modern.az "Anadolu" agentliyinə istinadən xəbər verir ki, sürücü idarəetməni itirib, nəticədə nəqliyyat vasitəsi qarşıdan gələn minik maşını ilə toqquşub.
Qəza zamanı minik avtomobilinin sürücüsü, onun atası və həyat yoldaşı həlak olub, daha iki nəfər isə ağır yaralanıb.
Yanacaqdaşıyan avtomobilin sürücüsünün saxlanıldığı bildirilir. Qəza ilə bağlı istintaq aparılır.
