Bölgələrdə 500-ə yaxın fərdi evin tikintisi yekunlaşmaq üzrədir.
Modern.az xəbər verir ki, bunu Sosial Xidmətlər Agentliyinin sədri Vüqar Behbudov postmüharibə dövründə şəhid ailələri və müharibə əlillərinin mənzil və avtomobillə, sosial xidmətlərlə təminatı işlərinə dair keçirdiyi mətbuat konfransında deyib.
O qeyd edib ki, həmin evlər növbəti mərhələdə şəhid ailələri və qazilərə təqdim ediləcək:
"2022-ci ilin sonuna kimi 1500 şəhid ailəsi və qaziyə mənzil verilməsi nəzərdə tutulub. Həmçinin, 50 qazi və müharibə iştirakçısına avtomobil veriləcək".
