Hacıqabulda toyda kütləvi zəhərlənmə baş verib.
Modern.az Report-a istinadən xəbər verir ki, hadisə Hacıqabul şəhəri Mikayıl Müşfiq küçəsində qeydə alınıb.
Belə ki, həmin ünvanda keçirilən toy mərasimində 12 nəfərdən çox adamın halı qəflətən pisləşib. Bu barədə məlumat daxil olan kimi təcili yardım stansiyasının əməkdaşları hadisə yerində olub. Toyda zəhərlənən bir çox şəxsə hadisə yerindəcə ilkin tibbi yardım göstərilib, bəziləri yardımdan imtina ediblər.
Hacıqabul sakinləri, 1962-ci il təvəllüdlü Rüstəmov İlham Həsən oğlu, 1984-cü il təvəllüdlü İbrahimova Gülnaz İsgəndər oğlu, Ağayeva Bəsti Müşfiq qızı və daha 9 nəfər Hacıqabul və Şirvan şəhər xəstəxanalarına çatdırılıb. Xəstəxanada onlara ilkin tibbi yardım göstərildikdən sonra sağlamlıq üçün elə bir ciddi təhlükə olmadığından ambulator müalicəyə buraxılıb.
Faktla bağlı araşdırma aparılır.
