Almaniya Ukraynaya ilk özüyeriyən artilleriya qurğularını təhvil verib.
Modern.az xəbər verir ki, bu barədə Ukraynanın müdafiə naziri Aleksey Reznikov məlumat yayıb.
O bildirib ki, Almaniyanın “Panzerhaubitze 2000” silahı ilə təlim keçmiş hərbçilər Ukrayna ordusunun artilleriya ailəsinə qoşulub.
"Panzerhaubitze 2000" Almaniya ordusunun ən güclü artilleriya silahlarından biridir və 40 km məsafədəki hədəfləri vura bilir.
Qeyd edək ki, Almaniya may ayında Kiyevə yeddi ədəd özüyeriyən haubitsa tədarük edəcəyini açıqlamışdı.
Akif İsmayılov
