Azərbaycanda körpələrə təbiətə aid adların verilməsi halları artıb.
Modern.az-ın Ədliyyə Nazirliyindən əldə etdiyi məlumata görə, təkcə 2022-ci il ərzində 271 körpəyə Yağmur adı verilib. 5 ildə isə Yağmur adı qoyulan uşaqların sayı 2887 nəfər olub. Daha 1 uşağı isə Yağmurcan adlandırıblar.
Son 5 ildə 10 körpəyə Tufan, 27 körpəyə Leysan, 1 körpəyə Leysanə adı verilib.
5 il ərzində 2032 uşağa Damla, 1 körpəyə isə Damlanur ismi qoyulub.
Maraqlıdır ki, hazırda Azərbaycanda İstixan adlı 1 körpə də böyüyür.
5 il ərzində 2 uşağa Hava, 2-sinə isə Havaxanım adı verilib.
Doğum haqqında şəhadətnaməsi verilən 6 uşağa Təbiət, 2 uşağa Boran adı qoyulub.
Valideynlər 5 il ərzində 29 uşağa Bulud, 3 körpəyə Buludxan adı verib.
Son 5 ildə Dalğa adlı 2, Dəniz adlı 4315, Dənizxan 1 körpə dünyaya gəlib.
Valideynlər 8 körpəni Şehnur, 1-ni isə Şehli adlandırıb.
5 ildə 12 körpəyə Üfüq, 918 uşağa Günəş adı verilib.
A.Qorxmaz
