Kiyev şəhərində Azərbaycan diasporunun mərkəzi qərargahında diaspor fəallarının iştirakı ilə toplantı keçirilib.
Modern.az xəbər verir ki, Ukrayna Azərbaycanlıları Birləşmiş Diasporunun (UABD) sədri Hikmət Cavadovun iştirakı ilə keçirilən toplantıda hazırda Ukraynada qalan azərbaycanlıların vəziyyəti, onların problemləri və davam edən dəstək məsələləri müzakirə olunub.
UABD sədri Hikmət Cavadov azərbaycanlılarla yanaşı, yerli əhaliyə də göstərilən dəstəkdən söz açıb:
“Azərbaycan diasporu həm pandemiya, həm də müharibə dövründə azərbaycanlılarla yanaşı, yerli əhaliyə də maddi və mənəvi dəstək göstərməkdə davam edir. Müharibənin getdiyi indiki şəraitdə Ukraynanın yanında olmaq, yaşadığımız ölkəyə hər cür dəstək göstərmək diasporumuzun vəzifəsi ilə yanaşı, həm də mənəvi borcudur”.
H.Cavadov Azərbaycan diaspor fəallarına Ukraynaya göstərdikləri dəstəyi artırmağı tövsiyyə edib.
Daha sonra çıxış edən UABD İdarə Heyətinin üzvləri - Elşad Sadıqov, Elşad İbrahimov, Hikmət Abdullayev Vidadi İsrafilov və Fail Abidov mövcud problemlərdən, gələcəkdə atılacaq addımlardan bəhs ediblər.
Azərbaycan DİN-nin Ukrayna nümayəndəsi, polkovnik Şahin Qocayev diaspor fəallarının qaldırdığı problemlərə münasibət bildirib və öz tövsiyələrini verib.
Qeyd edək ki, UABD ötən müddət ərzində həm Ukraynada, həm də Azərbaycanda toplanılan yardımların Ukraynanın Azərbaycandakı səfirliyi vasitəsilə bu ölkəyə çatdırılmasında mühüm rol oynayıb.
Xatırladaq ki, UABD sədri Hikmət Cavadov iyunun 21-də Ukrayna Ali Radasında Azərbaycan - Ukrayna Parlamentlərarası Dostluq Qrupunun iclasında iştirak etmişdi.
