Azərbaycanda 34 min 602 nəfər rəsmi qeydiyyatda olan psixatrop maddə istifadəçisi var.
Modern.az xəbər verir ki, bununla bağlı Respublika Narkoloji Mərkəzinin baş direktoru Orxan Cəfərov məlumat verib.
O qeyd edib ki, son zamanlar psixatrop maddələrdən istifadə edən şəxslərin sayı artıb:
"Xüsusilə, yeniyetmələr və gənclər üstünlük edir. Daha çox istifadə edilən metamfetamin, el arasında yayılan adları ilə desək patı, şüşə kimi maddələrdir. Hazırda 34 min 602 nəfər psixatrop maddə istifadəçisi kimi rəsmi qeydiyyatdadır. Onlardan 556-sı qadındır. 2 nəfər 14 yaşında, 12 nəfəri 15-17 yaşında, 2313 nəfəri 18-24 yaşında, 292 nəfəri isə 65 yaşındadır”.
