Bu barədə minval.az saytına məlumat verən mənbə bildirib ki, görüşdə seçki ilində ölkədəki siyasi situasiya və ölkənin demokratik qüvvələrinin konsolidasiyası problemləri müzakirə olunub. Görüşdən sonra saytın əməkdaşı ilə söhbətində Müsavat başqanı deyib ki, görüş pozitiv şəraitdə keçirilib və bir sıra məsələlər müzakirə olunub. İsa Qəmbər müzakirə olunan məsələlərlə bağlı sonrakı suallara cavab verməkdən imtina edib. Görüşdə həm də Rüstəm İbrahimbəyovun irəli sürdüyü Milli Şura ideyası müzakirə edilib. Tamamilə mümkündür ki, tərəflər növbəti həftə yenidən bir araya gəlsinlər.
