"Öz müqəddəratını təyin etmək hüququ heç vaxt terrorçuluqla qarışdırılmamalıdır. Pakistan terrorizmlə mübarizə aparır".
Modern.az xəbər verir ki, bunu Qoşulmama Hərəkatı Parlament Şəbəkəsinin Bakı konfransında iştirak edən Pakistan Senatının sədri Məhəmməd Sadiq Sancrani deyib.
O qeyd edib ki, Pakistan, həmçinin region dövlətləri arasındakı mübahisələrin sülh yolu ilə həllində iştirak edir:
"Azərbaycanın regionda böyük siyasi çəkisi var. Bu, Azərbaycanın illər ərzində yürütdüyü uğurlu siyasətlə bağlıdır. Azərbaycan regionun əsas oyunçusuna çevrilib".
