Azərbaycan və Gürcüstanın bir neçə şəhərləri arasında Qardaşlaşma haqqında anlaşma memorandumları imzalanıb.
Modern.az-ın məlumatına görə, bu barədə iqtisadiyyat naziri Mikayıl Cabbarov deyib.
O bildirib ki, Gürcüstanın Kvemo Kartli regionunun qubernatoru Giorgi Doxturişvilinin ölkəmizə səfəri çərçivəsində Şəmkir-Marneuli, Ağstafa-Qardabani, Göygöl-Bolnisi və Daşkəsən-Dmanisi şəhərləri arasında imzalanmış qardaşlaşma haqqında anlaşma memorandumları əlaqələrimizin möhkəmləndirilməsi və inkişafına mühüm töhfədir.
“Gürcüstanın Kvemo Kartli regionunun qubernatoru Giorgi Doxturişvili ilə ölkələrimiz arasında uğurlu əməkdaşlığın iqtisadi-ticarət əlaqələrimizin inkişafında önəmi və tərəfdaşlığımızın genişləndirilməsi perspektivləri barədə fikirlərimizi bölüşdük”, - deyə nazir əlavə edib.
