Ukraynanın mərkəzində yerləşən Vinnitsa şəhərinə hücum zamanı həlak olanların sayı 23 nəfərə çatıb.
Modern.az xəbər verir ki, bu barədə Ukrayna Fövqəladə Hallar Xidməti məlumat yayıb.
Hücumda ölənlərdən 3-nün uşaq olduğu bildirilir.
Məlumata görə, yaralanan 64 nəfər xəstəxanaya yerləşdirilib. Əksəriyyətinin vəziyyəti ağırdır
42 nəfərin axtarışları davam edir.
****
15:10
Rusiya hərbi qüvvələrinin Ukraynanın Vinnitsa şəhərinə raket zərbələri endirməsi nəticəsində 3-ü uşaq olmaqla, 20 nəfər ölüb, 100-ə yaxın insan yaralanıb.
Modern.az xəbər verir ki, bu barədə Vinnitsa vilayətinin prokurorluğu məlumat yayıb.
Məlumata görə, Vinnitsa Regional Prokurorluğunun rəhbərliyi altında “qəsdən adam öldürmə”, “müharibə qanunlarının və adətlərinin pozulması” maddələri üzrə cinayət işi başlayıb.
Bildirilib ki, Rusiya şəhərə “Kalibr” raketləri atıb.
