Müsavat başqanının müavini Tofiq Yaqublunun bu günə təyin edilən məhkəmə prosesi təxirə salınıb. Modern.az-a partiyanın mətbuat xidmətindən bildirilib ki, martın 14-ü, saat 11:30-da Nəsimi Rayon Məhkəməsində keçirilməsi nəzərdə tutulan məkhəmə prosesi mart ayının 18-i saat 12-yə təyin edilib.Məhkəmədə T.Yaqublunun barəsində seçilən həbs-qətimkan tədbirinin uzadılması işinə baxılacaq.
Qeyd edək ki, Müsavat başqanının müavini Tofiq Yaqublu İsmayıllı hadisələrinə görə həbs edilib. O məhkəmənin qərarı ilə ik ay azadlıqdan məhrum edilib.
A.RÜSTƏMOV
