"1667 məktəbəqədər təhsil müəssisəsini özündə birləşdirən baza yaradılıb".
Modern.az xəbər verir ki, bunu təhsil naziri Emin Əmrullayev 2022-2026-cı illərdə sosial-iqtisadi inkişaf strategiyasının təhsillə bağlı məqamları haqqında keçirdiyi brifinqdə deyib.
Nazir qeyd edib ki, hazırda bağçalarda 36746 uşaq üçün yer var. İyulun 25-nə olan göstəricilərə əsasən, 17 246 uşağın məlumatı bağçalara qəbul üzrə elektron sistemə daxil edilib:
"Elə yerlər var ki, uşaqların sayı yerlərdən, bəzilərində isə yerlərin sayı uşaqlardan çoxdur. Gələcəkdə sistemin təkmilləşdirilməsi nəzərdə tutulur".
