"Ali təhsilin dövlət tərəfindən maliyyələşməsinin payı əsaslı şəkildə artıb".
Bunu təhsil naziri Emin Əmrullayev 2022-2026-cı illərdə sosial-iqtisadi inkişaf strategiyasının təhsillə bağlı məqamları haqqında keçirdiyi brifinqdə Modern.az-ın əməkdaşının sualını cavablandırarkən deyib.
O qeyd edib ki, ali təhsilə əlçatanlığın təmin edilməsi ilə bağlı tədbirlər arasında bir şəxsin bir neçə dəfə dövlət sifarişli ali təhsil almasına dair hər hansı güzəştlər nəzərdə tutulmayıb:
"Amma ikinci dəfə ali təhsil almaq istəyən şəxslər təhsil krediti üçün müraciət edib, oxumaq imkanı qazana bilərlər".
