Somalidə cümə namazı vaxtı bomba partladılıb.
Modern.az xəbər verir ki, bu barədə "Anadolu" agentliyi məlumat yayıb.
Hadisə ölkənin cənub-qərbindəki Baidoa şəhərində baş verib. Hücum zamanı çox sayda insanın öldüyü məlum olub.
Agentlik bildirib ki, hücum nəticəsində cənub-qərb əyalətinin ədliyyə naziri İbrahim Luqbur da daxil olmaqla çox sayda insan həlak olub, ən azı 11 nəfər yaralanıb.
Hücuma görə məsuliyyəti hələ heç kim üzərinə götürməsə də, bölgədə Əl-Şəbab terror təşkilatı tez-tez belə hücumlar həyata keçirir.
Akif İsmayılov
